नवलपुरमा ८५ हजार बालबालिकालाई टाइफाइड रोग विरुद्धको खोप लगाइने

नवलपुर, २२ चैत । नवलपरासी (बर्दघाट सुस्तापुर्व) मा झण्डै ८५ हजार बालबालिकालाई टाइफाइड रोग विरुद्धको खोप लगाइने भएको छ । स्वास्थ्य कार्यालय नवलपुरका प्रमुख केशव चापागाईंका अनुसार देशभरका बालबालिकालाई टाइफाइड विरुद्धको खोप लगाउने अभियान अन्र्तरगत नवलपुरमा पनि १५ महिना देखी १५ बर्ष उमेर समुहका बालबालीकाहरुलाई उक्त खोप लगाईने भएको हो ।

वैशाख देखि स्कुलको परीक्षा सुरुवात हुने र चुनाव पनि सगै भएका कारणले गर्दा यहि चैत २४ गतेदेखि खोप अभियान सुरु गरीने प्रमुख केशव चापागाईंले बताउनुभयो । उहाँका अनुसार अभियानमा २ सय ५० वटा खोप केन्द्रबाट खोप लगाइनेछ । कुनै पनि विद्यालय भन्दा बाहिरका स-साना बालबालिकाहरु आफ्नो वडामा तोकिएको विद्यालय तथा नजिकको खोप केन्द्रमा गएर खोप लगाउन सक्नेछन् । साथै खोप लगाए पछि सबै बालबालिकालाई खोप कार्ड उपलब्ध हुने प्रमुख चापागाईंको भनाई छ ।

चापागाईका अनुसार खोप केन्द्रमा ३१० स्वास्थ्यकर्मी परिचालन गरिनेछ भने टाइफाइड विरुद्धको खोप अभियानका लागि नवलपुरमा १६ हजार ८९६ भाएल खोप आएको छ । टाइफाइड कुनै पनि संक्रमित व्यक्तिको दिसाको माध्यमबाट अथवा दूषित खाना र पानीको माध्यमबाट सर्ने रोग हो ।

Share:

तपाईको प्रतिक्रिया

सम्बन्धित समाचारहरू

जनक कलेजको वार्षिक उत्सबका कार्यक्रम अन्तर्गत मंगलबार चम्चा दौड प्रतियोगिता हुँदै

आज देखि निःशुल्क कम्पनी दर्ता र पूँजी वृद्धिको व्यवस्था कार्यान्वयनमा आयो

आज कहाँ कहाँ पानी पर्दैछ ? जान्नुहोस्

जनक कलेजले वार्षिक उत्सब विविध कार्यक्रमहरु सहित मनाउँदै, सोमबार घैंटो फुटाई कार्यक्रम गर्दै

क्रिकेटर सन्दीप लामिछानेविरुद्धको मुद्दामा आज तोकिएको पेसी पनि स्थगित

माडीमा रहेको बैकुण्ठे तालमा नुहाउने क्रममा डुबेर एकजनाको मृत्यु