गैँडाकोट, २८ चैत । नेकपा एमालेले गैँडाकोट नगरपालिका वडा नम्वर ४ को वडाध्यक्षमा दिनेशराज न्यौपानेलाई उम्मेदवार बनाउने निर्णय गरेको छ । आफ्नो वडामा रहेको विशेष गरेर भलको समस्या, ढलको समस्या र पानीको समस्यालाई समाधान गरी वडामा आमुल परिवर्तन ल्याउने उद्धेश्यले वडाध्यक्षमा आफुले उम्मेदवारी दिने निर्णय गरेको दिनेशराज न्यौपानेले बताउनुभयो ।
न्यौपानेले विगत ५ वर्ष अगाडिदेखी आफ्नो व्यवसायलाई पुर्णरुपमा छोडी पार्टीको लागि काम गर्दै आउनुभएको थियो । युवाले नै देश र समाजमा परिवर्तन ल्याउन सक्ने बताउँदै न्यौपानेले जनताले आफुलाई विजयी बनाउनेमा आफु विश्वस्त रहेको समेत उल्लेख गर्नुभयो ।
नेकपा एमाले गैँडाकोट ४ को सोमबार बसेको बैठकले न्यौपानेलाई उम्मेदवार बनाउने निर्णय गरेको हो ।
