भरतपुर, २ वैशाख । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले भोट दिने कुरा छोरी दिनेभन्दा पनि ठूलो भएको बताउनु भएको छ । राप्रपाले शुक्रबार भरतपुरमा आयोजना गरेको आमसभालाई सम्बोधन गर्दै उहाँले यस्तो बताउनु भएको हो ।
उहाँले भोट दिँदा हजारचोटि सोचेर दिनुपर्ने बताउनु भयो । भोट दिने कुरा छोरी दिनेभन्दा पनि ठूलो भएको भन्दै उहाँले आज जनताले जे दुःख पाइरहेका छन्, त्यो गएको चुनावमा ठिक मान्छेलाई चुन्न नसकेर दुःख पाएको बताउनु भयो ।
गरिबीको अन्त्य गर्ने, बेरोजगारीको अन्त्य गर्ने राजनीतिले हो भन्दै उहाँले ठिक पार्टी र ठिक नेता नचुनेसम्म गरिबीको अन्त्य नहुने बताउनु भयो । उहाँले भन्नुभयो, “ मेरै निर्वाचन क्षेत्रका कैयौँ गाउँहरुमा पाँच वर्षअघि कालोपत्रे हेर्न बिहार जानुपथ्र्यो । मज्जाले पानी प¥यो भने एम्बुलेन्स पनि चल्न नसक्ने अवस्था थियो । आज तपाइँहरुका पनि कैयौँ त्यस्ता कुरा होलान् । आज हामीले एक बोरा युरिया नपाएर भाग्यलाई सराप्छौँ । भाग्यमा दोष भएर यो दुःख पाएको होइन । गएको चुनावमा ठिक मान्छेलाई चुन्न नसकेर यो दुःख पाएका हौँ ।”
