गैँडाकोट, ९ बैशाख । गैँडाकोट नगरपालिकाको मेयर र उपमेयर सहित ५७ जना जनप्रतिनिधिले पदबाट राजीनामा दिएका छन् । स्थानीय तहको निर्वाचनमा उम्मेदवार हुन चाहने जनप्रतिनिधीहरुले राजीनामा दिनुपर्ने प्रावधान अनुसार शुक्रबार मेयर छत्रराज पौडेल र उपमेयर विष्णुकुमारी कंडेल सहित ५७ जनाले राजिनामा दिएका हुन् ।
गैँडाकोट नगरपालिकाका निमित्त प्रमुख प्रशाासकीय अधिकृत झलकराज पौडेल समक्ष उनीहरुले राजीनामा पत्र पेश गरेका थिए । मेयर पौडेल र उपमेयर कंडेलले आफुहरुले प्रयोग गर्दै आएको आएको सवारीको चावी समेत अधिकृत पौडेल समक्ष बुझाएका छन् ।
