Search
Close this search box.

मध्यविन्दु नगरपालिकाका नगरप्रमुख अधिकारीले गरे १०० दिनमा गरेका कार्यहरुको पत्रकार सम्मेलन मार्फत जानकारी

पबित्रा पराजुली  ।

१३ भदौ, नवलपुर

नवलपरासी पूर्व नवलपुरको मध्यविन्दु नगरपालिकाका नगरप्रमुख भिमलाल अधिकारीले निर्वाचित भएपश्चातका उपलब्धिहरु सार्वजनिक गर्नुभएको छ ।

नगरप्रमुख अधिकारीले  पदभार ग्रहणको १०० दिनमा गरेका कार्यहरुको पत्रकार सम्मेलन मार्फत जानकारी गराउनुभएको हो ।

उहाँले सुरुवातमा नै सामुदायिक विद्यालयका कक्षा १ देखी कक्षा ५ सम्मका विद्याथीलाई अंग्रेजी माध्यमका पाठ्यपुस्तक निःशुल्क वितरण गर्ने, अरुणखोलामा रहेको नयाँ बेलहानी स्वास्थ्य चौकीमा बर्थिङ् सेन्टरको स्थापना गर्न आवश्यक पर्ने बजेट विनियोजन गरेको बताउनुभएको छ  ।

मध्यविन्दु नगरपालिकाको नीति तथा कार्यक्रम निर्माण गर्दै गर्दा सरोकारवालाहरुको राय सुझाव संकलन गरी प्रत्येक वस्ती टोलमा आवश्यक कार्यक्रमहरु एवम माग संकलन गरिएको बताउनुभयो ।

नगरले आ.व ७९,८० का लागी एक अरव चार करोड ६ लाख ८३ हजारको बजेट पास गरिएको बताउँदै प्रहरी ऐन , खेलकुद विकास,विषयगत समिति , आप्रवासन समबन्धी कार्यविधि  ,टोल विकास संस्था परिचालन , नगर अस्पतालको स्थापना र सञ्चालन  गरिने बताउनुभयो ।

नगरपालिकाले नागरिक सेवा केन्द्रको स्थापना गरी नागरिकलाई सहज सेवा दिएको पनि नगरप्रमुख अधिकारीले बताउनुभयो ।

नगरपालिकाले ज्येष्ठ नागरिकलाई प्रत्येक महिना घरघरमै पुगेर स्वास्थ्य जाचँ गरिएको  बताउनुभयो ।

नगरपालिकाले अवैध रुपमा उत्खन्न गरिएको बस्तुलाई प्रहरीको रोहबरमा नियन्त्रण गर्ने कार्य जारी रहेको बताउनुभयो ।

शिक्षा , स्वास्थ्य , रोजगारको विषयमा आफु गम्भीर भएको बताउनुभयो ।

विदेशको अनुभव स्वदेशको पौरख नीति अनुरुप  रिटर्नी युवा र नगरपालिकाबीच युवा उद्घमशिलताको गोष्ठी सम्पन्न गरिएको बताउनुभयो ।

मध्यविन्दु नगरपालिकालाई खादामुक्त नगरपालिका घोषणा गरेको नगरप्रमुख अधिकारीले पत्रकार सम्मेलन मार्फत सबैलाई जानकारी गराउनुभयो ।

अब कुनै पनि कार्यक्रममा खादाको प्रयोग नगरी फुलमालाको प्रयोग गरी संस्कृतिको संरक्षण गर्न अपिल समेत गर्नुभएको छ ।

नगरपालिकालाई सरसफाईयुक्त नगरपालिका बनाउनका निमित्त सबै वडामा कार्यक्रम गरिने बताउनुभयो ।

नगरप्रमुख अधिकारीले आफु निर्वाचित भएको १०० दिनमा विशेषत शिक्षा , स्वास्थ्य , सरसफाई , प्रहरीसगँको साझेदारी , गाउँटोलमा समिति गठन गर्ने प्रकियालाई समेटेको बताउनुभयो ।

अधिकारीले नगर शैक्षिक सुधार कार्यक्रम , घर पहिलो पाठशालाको रुपमा असल अभिभावक , मेरो गुरु दक्ष गरु , हरित विद्यालय , मध्यविन्दु उच्च शिक्षा छात्रवृति , एक वडा एक व्यवस्थित खेलमैदान , घरमा शुन्य सुत्केरी , एक सामुदायिक वन  एक बनबाटिका लगायत थुप्रै कार्यक्रमहरु चरणमा रहेको बताउनुभयो ।

आ.व. ७९,८० को बजेट अन्तगर्तको गौरवको आयोजना मा स्वीकृत भएका नगर गौरवको आयोजना अन्तर्गत अरुणखोला र गिरुवारी ,खोलाको करिडोर निर्माण , सेहरी भुताहा , नन्दपुर , रतनपुर हुँदै बह्रमस्थानसम्म पर्यटकीय मार्ग निर्माण , शहिद हरि स्मृति तम्सरीया मैनाघाट , हुप्सेकोट , झिरुवास, पाल्पा हुँदै पोखरा जोड्ने  सडक , मध्यविन्दु  ७ मा  बहुद्देशीय भवन निर्माण , अरुणखोला रातामाटा हुँदै द्धारी सडक , मध्यविन्दु नगर अस्पताल , मध्यविन्दु चक्रपथ ,  मध्यविन्दु स्तम्भ रहेको बताउनुभयो ।

पत्रकार सम्मेलनमा जिल्ला भरीका सक्रिय पत्रकारहरुको सहभागिता रहेको थियो ।

Share:

तपाईको प्रतिक्रिया

सम्बन्धित समाचारहरू

किसानको समस्याको समाधानका लागि भन्दै नवलपुरका दुग्ध सहकारीको बिशेष भेला सम्पन्न

पञ्चशील महाबौद्ध गुम्बाको एक हप्ते कङ्ग्युर (त्रिपिटक) पाठ वाचन सम्पन्न

रत्न राज्य लक्ष्मी मा.वि. गैंडाकोट १० मा ब्यवहारिक अभ्यास ओजेटिको अन्तिम मुल्याङ्गकन सम्पन्न

विश्व कप खेल्ने खेलाडीको खोजी गर्न लिग क्रिकेट प्रतियोगिता : प्रमुख रेनु दाहाल  

पञ्चशील महाबौद्ध गुम्बा शरदपुरमा यहि फाल्गुन ५ शनिबारदेखि त्रिपिटक (कंग्युर) पाठ बाचन हुँदै

नेपाल मगर संघ, गैंडाकोटको आयोजनामा रक्तदान कार्यक्रम सम्पन्न, ३१ ज्नाले गरे रक्तदान