४ साउन, काठमाडौं
विधान, नीति तथा निर्देशनविपरीत काम गरेको भन्दै जनमत पार्टीले पाँच नेतालाई कारबाही गरेको छ । कारबाहीमा नेताहरू शिवचन्द्र कुशवाहा, गुलाव मण्डल, शंकर खड्का, भोपेन्द्र यादव र भगवान दास यादव परेका छन् । जनमत पार्टी, केन्द्रीय अनुशासन समितिले उनीहरुलाई कारबाही गरेको पार्टीका राष्ट्रिय उपाध्यक्ष ई.दीपककुमार साहले विज्ञप्ति मार्फत् जनाएका हुन् ।
कारबाहीमा परेका कुशवाहा भने बारा–२ को उपनिर्वाचनमा जसपा अध्यक्ष उपेन्द्र यादव विरुद्ध चुनाव लडेका थिए । उनलाई जनमत पार्टीले साधारणसदस्य समेत नरहनेगरी कारबाही गरेको जनाइएको छ ।
