साउन ८, काठमाण्डौं
शंकर घिमिरेको निर्माण तथा निर्देशनमा बन्न लागेको फिल्म “तेल भिसा“को मुख्य भूमिकामा अभिनेता बिपिन कार्की अनुबन्ध भएका छन् । आउँदो तिहार पछी नेपाल र अमेरिकामा छायांकन हुने यस फिल्ममा बिपिन कार्की डबल रोलमा देखिने भएका छन् । सोसल–कमेडी ड्रामा जनरामा बन्न लागेको फिल्मले सुत्केरी स्याहार्न अभिभावकलाई अमेरिकामा बोलाइने प्रवृत्तिलाई कटाक्ष गर्नेछ । सोही प्रवृत्तिलाई व्यंग्य गर्दै ‘तेल भिसा’ नामाकरण गरिएको निर्देशक घिमिरेले बताउनुभयो । यो फिल्मका लागि विपिनले अहिलेसम्मकै महंगो पारिश्रमिक लिएको चर्चा पनि रहेको छ । लिड एक्ट्रेस र अन्य कलाकार चाँडै सार्वजनिक हुने जनाइएको छ ।
घिमिरेद्धारा निर्देशित पछिल्लो फिल्म ‘तुलसी’ २०७६ सालमा रिलिज भएको थियो । त्यसअघि उनले ब्रेकफेल, वीरताको चिनो र विष निर्देशन गरिसकेका छन् ।
