Search
Close this search box.

अभिनेता सारुकको मोबाइलको फरेन्सिक ल्याब परीक्षण पश्चात आएको सुसाईट नोटले नम्रतालाई राहत

Actress : Namrata Shrestha & Late. Actor : Shahrukh Tamrakar

साउन १४, काठमाडौं

अभिनेता सारुक मोबाइलको फरेन्सिक ल्याब परीक्षण पश्चात आएको सुसाईट नोटले घटनालाई नयाँ ट्विस्ट दिएको छ । मोबाइलको नोटप्याडमा सारुकको ‘सुसाइड नोट’ फेला परेको छ, जसमा उनले कसैलाई पनि आरोपित गर्न चाहेका छैनन् । प्रहरी स्रोतका अनुसार उनले सुसाइड नोटमा थुप्रैको नाम लिएका छन्, तर सकारात्मक रुपमा । नोटमा नम्रताको नाम पनि उल्लेख रहेको स्रोतले बताएको छ ।

अभिनेता सारुक ताम्राकारले आत्महत्या गरेपछि अभिनेत्री नम्रता श्रेष्ठ माथी केही मिडियाहरुले सारुकको आत्महत्याको कारण उनी नै हुन् भन्ने अर्थ लाग्ने गरी समाचारहरु पनि आए । आत्महत्या गरेकै दिन नम्रता र सारुक ‘ह्यासट्याग माया’ को सुटिङमा थिए । सुटिङकै क्रममा उनीहरुबीच विवाद भएको तथा होटलमा फर्किएपछि पनि झगडा गरेका कुराहरु चलचित्रको निर्माण टीमले बाहिर ल्याए । यसबाट नम्रता तनावमा थिइन् । उनी देश छोडेर भाग्न तयारी अवस्थामा रहेको समाचारसमेत बाहिरिए ।

प्रहरीलाई नम्रतालाई अनुसन्धानमा तान्न दबाबसमेत परेको थियो । तर, उनीविरुद्ध कसैले उजुरी नगरेकाले सोधपुछको लागि नबोलाइएको स्रोतले जनाएको छ । प्रहरीले एकातर्फ मोबाइलको परीक्षण रिपोर्ट कुरिरहेको थियो भने अर्कोतर्फ मृतकका आफन्तहरुको जाहेरी तर मोबाईलको परीक्षण रिपोर्ट पश्चात भने घटनाले अर्कै मोड लिएको छ ।

प्रहरीले घटना आत्महत्या दुरुत्साहन हुन सक्ने आशंकामा अनुसन्धान अघि बढाएको थियो । सारुकका परिवार तथा ‘ह्यासट्याग माया’का निर्माण पक्षसँग बयान लिइएको थियो । तर, सारुकको सुसाइड नोटपछि प्रहरी ढुक्क भएको छ । यो सँगै नम्रता माथि लागेका आरोपहरु मिथ्या जस्तै भएका छन् ।

Share:

तपाईको प्रतिक्रिया

सम्बन्धित समाचारहरू

किसानको समस्याको समाधानका लागि भन्दै नवलपुरका दुग्ध सहकारीको बिशेष भेला सम्पन्न

पञ्चशील महाबौद्ध गुम्बाको एक हप्ते कङ्ग्युर (त्रिपिटक) पाठ वाचन सम्पन्न

रत्न राज्य लक्ष्मी मा.वि. गैंडाकोट १० मा ब्यवहारिक अभ्यास ओजेटिको अन्तिम मुल्याङ्गकन सम्पन्न

विश्व कप खेल्ने खेलाडीको खोजी गर्न लिग क्रिकेट प्रतियोगिता : प्रमुख रेनु दाहाल  

पञ्चशील महाबौद्ध गुम्बा शरदपुरमा यहि फाल्गुन ५ शनिबारदेखि त्रिपिटक (कंग्युर) पाठ बाचन हुँदै

नेपाल मगर संघ, गैंडाकोटको आयोजनामा रक्तदान कार्यक्रम सम्पन्न, ३१ ज्नाले गरे रक्तदान