Search
Close this search box.

मध्यविन्दु नगरपालिकाको नगर अस्पतालमा अन्तरङ्ग सेवाको उद्घाटन

साउन १५,  मध्यविन्दु 

नवलपरासी पूर्व नवलपुरको मध्यविन्दु नगर अस्पतालमा बिरामी भर्ना सेवा शुरु भएको छ । सोमबार मध्यविन्दु नगरपालिकाका नगर प्रमुख एवम् अस्पतालका अध्यक्ष भिमलाल अधिकारीले अस्पतालमा अन्तरङ्ग सेवाको उद्घाटन गर्नु भएको हो । यस अगाडी अस्पतालबाट बहिरङ्ग सेवा प्रदान हुदै आएको थियो । १५ शैयाको नगर अस्पतालमा शुरुवातमा ७ शैयाबाट अन्तरङ्ग सेवा सञ्चालन हुने अस्पतालका प्रमुख नन्दलाल राना मगरले बताउनुभयो । अस्पतालबाट यस अगाडी सर्पदंश, रेविज, प्रयोगशाला, प्रसुति लगायतका स्वास्थ्य प्रवाह हुदै आएको थियो । अस्पतालमा आउने सेवाग्राहीको स्वास्थ्य उपचारलाई व्यवस्थित र थप प्रभावकारी बनाउन भिडियो एक्सरे सेवालाई नियमित र विशेषज्ञ सहितको स्वास्थ्य परिक्षण सेवा थप गर्ने योजनामा रहेको उहाँले बताउनुभयो ।

मध्यविन्दु नगरपालिका र आसपासका स्थानीयहरुको लागि सहज स्वास्थ्य पहुँच स्थापना नगरपालिकाको प्राथमिकतामा रहेको नगर प्रमुख भिमलाल अधिकारीले बताउनुभयो । निर्माणधिन नगर अस्पतालको सुविधा सम्पन्न अस्पताल निर्माणको कार्य सम्पान्न भएपस्चात थप सेवाहरु समेत बिस्तार हुने उहाँले बताउनुभयो । उहाँले नागरिकहरुलाई अस्पताल सम्म ल्याउने र उनिहरुको विश्वास जित्नेगरी सेवा प्रवाह गर्न समेत अस्पतालमा कार्यरत चिकित्सक र प्रशासनका कर्मचारीहरुलाई अनुरोध गर्नुभयो । क्रमशः अस्पतालमा सेवा लिन आउने नागरिकहरुको संख्यामा बृद्धि भइरहेको भन्दै उहाँले नागरिक मैत्री सेवाप्रवाह हुनेपर्नेमा जोडदिनुभयो । स्वास्थ्य संस्थाहरुको नक्साङ्कन गरेर स्वास्थ्य सेवालाई थप प्रभावकारी बनाउने विषयमा नगरले छलफल शुरुवात गरेको उहाँले बताउनुभयो । चोरमारा, अरुणखोला र कोल्हुवा केन्द्रमा एम्बुलेन्स सेवाको सञ्चालन, विपन्न परिवार स्वास्थ्य बिमा कार्यक्रम लगायको विषयमा चालु आर्थिक वर्षको नीति तथा कार्यक्रममा समावेश गरिएको उहाँले बताउनुभयो ।

मध्यविन्दु नगरपालिका पूर्व नगर प्रमुख चन्द्र बहादुर रानाले विगतको अवस्थाबाट हाल अवस्था सम्म आईपुग्दा विभिन्न चरणहरु पार गरेको स्मरण गर्दै नागरिकलाई प्रवाह गरिने सेवाको गुणस्तरियता र विश्वनियतामा ध्यान दिनुपर्ने बताउनुभयो । नगर अस्पताल निर्माण पस्चात सबै नागरिकलाई सहज सेवा प्रवाह हुने उहाँले विश्वास व्यक्त गर्नुभयो ।

मध्यविन्दु नगरपालिका प्रमुख प्रशासकीय अधिकृत ज्ञानु प्रसाद पेनरुले विपन्न र ग्रामिण स्तरमा रहेका नागरिकहरु आर्थिक अवस्था कै कारण स्वास्थ्य सेवाबाट बञ्चीत हुनुपर्ने अवस्था नहोस् भन्ने तर्फ सबैको ध्यानपुग्न आवश्यक रहेको बताउनुभयो । उहाँले नगर अस्पतालमा शुरुवात भएको अन्तरङ्ग सेवाले न्यून आय भएका नगरबासीको स्वास्थ्य उपचार सेवामा महत्वपूर्ण योगदान गर्ने विश्वास व्यक्त गर्नुभयो ।

स्वास्थ्य कार्यालय नवलपुरका प्रमुख केशवप्रसाद चापागाईंले अझैपनि आम नागरिकहरु स्वास्थ्य बिमा कार्यक्रमको पहुँचमा पुग्न नसकेको भन्दै स्वास्थ्य बिमा कार्यक्रमलाई प्रभावकारी बनाउन सक्दा स्थानीय समुदायलाई उपचार वापत लाग्ने खर्च बोझको कमी संगै अस्पताल सञ्चालनमा समेत सहयोग पुग्ने बताउनुभयो ।
साविकको चोरमारा प्राथमिक स्वास्थ्य केन्द्रलाई मध्यविन्दु नगर अस्पतालमा स्तरउन्नती गरिए पस्चात पुरानै भवनबाट अस्पतालले आफ्नो सेवा प्रवाह गर्दै आएको छ । १५ शैयाको सुविधा सम्पन्न भवन निर्माणको चरणमा रहेको मध्यविन्दु नगर अस्पतालको भवन निर्माण सम्पन्न भएपस्चात सेवा प्रवाह थप प्रभावकारी हुने अस्पतालका उपाध्यक्ष अमृत प्रसाद ज्ञवालीले विश्वास व्यक्त गर्नुभयो ।

अन्तरङ्ग सेवा शुभारम्भ कार्यक्रममा मध्यविन्दु नगरपालिका उपप्रमुख पूर्णकला चौधरी, प्रमुख प्रशासकीय अधिकृत ज्ञानु प्रसाद पनेरु, पूर्व उपप्रमुख ओमकुमारी महतो, अस्पतालका पूर्व अध्यक्षहरु, वडा अध्यक्ष, विभिन्न संघसंस्थाका प्रतिनिधि, राजनितिक दलका प्रतिनिधि लगायतको उपस्थिति रहेको थियो ।

मध्यबिन्दु नगर अस्पताल

Share:

तपाईको प्रतिक्रिया

सम्बन्धित समाचारहरू

किसानको समस्याको समाधानका लागि भन्दै नवलपुरका दुग्ध सहकारीको बिशेष भेला सम्पन्न

पञ्चशील महाबौद्ध गुम्बाको एक हप्ते कङ्ग्युर (त्रिपिटक) पाठ वाचन सम्पन्न

रत्न राज्य लक्ष्मी मा.वि. गैंडाकोट १० मा ब्यवहारिक अभ्यास ओजेटिको अन्तिम मुल्याङ्गकन सम्पन्न

विश्व कप खेल्ने खेलाडीको खोजी गर्न लिग क्रिकेट प्रतियोगिता : प्रमुख रेनु दाहाल  

पञ्चशील महाबौद्ध गुम्बा शरदपुरमा यहि फाल्गुन ५ शनिबारदेखि त्रिपिटक (कंग्युर) पाठ बाचन हुँदै

नेपाल मगर संघ, गैंडाकोटको आयोजनामा रक्तदान कार्यक्रम सम्पन्न, ३१ ज्नाले गरे रक्तदान