साउन २३, गैँडाकोट
पछिल्लो समय आँखा पाक्ने रोगको संक्रमण बढ्दै गएपछि गैँडाकोट नगरपालिकाले बिहिवार र शुक्रबार विद्यालयहरु बन्द गर्ने निर्णय गरेको छ ।
नगर शिक्षा समितिको आज बसेको बैठकले बिहिवार र शुक्रबार २ दिन विद्यालयहरु बन्द गर्ने निर्णय गरेको गैँडाकोट नगरपालिकाका शिक्षा शाखाका प्रमुख डा. बालकृष्ण चापागाइले बताउनुभयो ।
बुधबार विश्व आदिवासी दिवशको अवसरमा गैँडाकोट नगरपालिकाले स्थानीय विदा दिने निर्णय यसअघि नै गरिसकेको छ । शनिबार नियमित विदा हुँदै आएको छ । यो सँगै अबका ४ दिन विद्यालयमा पठनपाठन बन्द हुने भएको हो । विद्यार्थी, शिक्षक, कर्मचारलाई आराम पनि हुने र यसले आँखा पाक्ने रोगको सङ्क्रमण कम हुने विश्वास लिइएको छ ।
