भदौ १०, चितवन
आजदेखि भरतपुर अस्पतालले निःशुल्क पार्किङको व्यवस्था गरेको छ । अस्पताल प्रशासनले गत साउन ८ गते सूचना जारी गरी भदौदेखि निःशुल्क पार्किङको व्यवस्था लागु हुने बताएको थियो यद्यपि ठेक्कातिरका पाटा मिलाउँदा भदौ १ गतेदेखि नै पार्किङलाई निःशुल्क गर्ने भनिएकामा केहि दिन ढिला भएको भरतपुर अस्पतालले बताएको छ ।
अस्पतालले यसअघि पार्किङ शुल्क उठाउन निजी क्षेत्रलाई ठेक्का दिएको थियो । यसअघि साइकलको पाँच, मोटरसाइकलको १० र कार÷जीपको २० रुपैयाँ पार्किङ शुल्क लिने गरिएको थियो । गरिब एवम् विपन्न वर्गले उपचार गराउने अस्पतालमा पार्किङ शुल्क लिने गरिएकामा आलोचना हुँदै आएको थियो ।
यस अस्पतालमा चितवन लगायत १२ जिल्लाका विरामी उपचार गराउन आउने गर्छन् ।
