भाद्र १७, काठमाडौं
गाँजा खेती खुला गर्नका सरोकारवाला निकायसँग छलफल गरेर सरकारलाई निर्देशन दिनुपर्ने कृषि, सहकारी तथा प्राकृतिक स्रोत समिति सभापति आरजु राणा देउवाले बताएकी छिन् ।
उनले यस आर्थिक वर्षका लागि औषधी लगायतको प्रयोजनका लागि गाँजा खेती गर्न बजेट समेत व्यवस्था भएको बताउँदै यसबारे आगामी दिनमा समितिमा छलफल गर्ने बताइन् । आइतबार सिंहदरबारमा भएको समितिको आगामी कार्ययोजनाका बारेमा भएको छलफलका क्रममा सो कुरा बताएकी हुन् ।
गाँजा खेती गर्नका लागि अर्थ मन्त्रालयले बजेट छुट्याउने तर गृह मन्त्रालयका ब्यक्तिले गाँजा खेती खुला गर्नुहुँदैन भन्ने गरेको बताउँदै आफूले भूमिसम्बन्धी बिज्ञसँग छलफल गर्दा नेपालमा १ लाख हेक्टर कृषियोग्य जमिन खाली रहेको थाहा पाएको बताउँदै सो जमिनको सदुपयोग गरेर किसानको जिवनस्तर सुधार गर्न सकिने बताइन् ।
नेपालको पश्चिम र सुदूरपश्चिम पहाडका कृषिमा आवद्ध जनताहरू गरिब रहेको बताउँदै उनीहरुको बारेमा सोच्नुपर्ने बताइन् । उनले नेपालको कार्वन व्यापारबारे आफूलाई चासो रहेको बताउँदै यसबारे वन मन्त्रालयबाट जानकारी लिने उल्लेख गरिन् ।
