भाद्र १८, काठमाडौं
नेपालले आज भारतसँग खेल खेल्दै छ । एसिया कप समूह ए को अन्तिम खेलमा आज भारतसँग नेपालले खेल खेल्न लागेको हो । खेल आज दिउँसो सवा ३ बजे श्रीलङ्काको क्याण्डीमा हुनेछ ।
समूह ए बाट पाकिस्तान ३ अंकसहित सुपर फोरमा पुगिसकेको छ । यता भारतले १ अंक जोडेको छ । भने पाकिस्तानसँग पराजित भएको नेपाल अंक विहीन छ । शनिवार भारत र पाकिस्तानको खेल वर्षाका कारण दोश्रो इनिङ्गस् नै नखेली रद्द भएको थियो । शनिवारको खेलमा अंक बाडेका कारण भारतलाई नेपालविरुद्धको खेल जित्ने दबाब बढेको हो ।
सोमबार नेपालसँगको खेलमा पराजित भएमा भारतको एसिया कप यात्रा समाप्त हुनेछ । सो खेल शनिवारको जस्तै रद्द भएमा भने भारतले सुपर फोरमा स्थान बनाउने छ ।
यस्तै भारतीय तीव्र गतिका बलर जसप्रित बुमराहले नेपालसककंगको खेल गुमाउने भएका छन् । उनी आफ्नो व्यक्तिगत कारण भारत फर्किएको बताइएको छ । उनको स्थानमा मोहम्मद सामीले मौका पाउने सम्भावना छ ।
