भाद्र २७, बर्दिया
अख्तियार दुरूपयोग अनुसन्धान आयोगले बर्दियामा एक जना प्रधानाध्यापकलाई घुस रकमसहित पक्राउ गरेको छ । राजापुर नगरपालिका वडा नं. ७, भिस्मापुरस्थित श्री सरस्वती बाल प्रथामिक विद्यालय शंकरपुरका प्रधानाध्यापक लक्ष्मीदेवी उपाध्यायलाई घुस रकमसहित पक्राउ गरेको आयोगका प्रवक्ता भोला दाहालले जानकारी दिए ।
सेवाग्राहीसँग उनले हाजिरी गराउन सहजीकरण गरिदिने भन्दै घुस मागेका थिए । उक्त सूचनाको आधारमा खटिएको टोलीले उनलाई वडा नम्बर ४ स्थित सरस्वती भवन नजिकैबाट मंगलबार घुस लिइसकेको अवस्थामा पक्राउ गरेको हो । उनले १४ हजार ५०० रुपैयाँ घुस लिएको प्रवक्ता दाहालले बताए । अख्तियारले उपाध्यायमाथि थप अनुसन्धान अघि बढाएको छ ।
