विश्व ओजोन दिवशको अवसरमा चितवन रेफ्रिजरेसन एण्ड ईलेक्ट्रो मेकानिकल संघ चितवनले आज भरतपुरमा ओजोन तह सँग सम्बन्धित जनचेतनामूलक र्याली तथा कोणसभा कार्यक्रम सम्पन्न गरेको छ। संघका अध्यक्ष हिरामणी कंडेलको अध्यक्षतामा आयोजित कोणसभामा एच भि एसी ईन्जिनियर जीवन पोखरेलले ओजोन तहको महत्वको बारेमा प्रकाश पार्नु भएको थियोे। संघका कोषाध्यक्ष एवं एसी टेक्निसियन हिरालाल काफ्लेले सहजीकरण गर्नु भएको कार्यक्रममा स्वागत मन्तव्य संघका सचिव भुपति दास कंडेलले दिनुभएको थियो। जिल्ला प्रहरी कार्यालय बाट सुरु भएको चेतनामुलक र्याली चौविस कोठी हुँदै पुनः प्रहरी कार्यालय अगाडी नै आएर कोणसभामा परिणत भएको थियोे। कार्यक्रममा रेफ्रिजेरेसनले मानव र वातावरणमा पार्ने प्रत्यक्ष तथा अप्रत्यक्ष असरका बारेमा सचेतना गराईएको थियो।
