Search
Close this search box.

बाल विकास इङ्गलिस बोडिङ्ग स्कुलले शुक्रबार विविध कार्यक्रम गरी २४ औ वार्षिकोत्सव मनायो

गैँडाकोट ।

व्यवहारिक र परियोजनामा आधारित अध्ययन अध्यापनलाई जोड दिदैँ अगाडी बढेको बाल विकास इङ्गलिस बोडिङ्ग स्कुलले शुक्रबार विविध कार्यक्रम गरी २४ औ वार्षिकोत्सव मनाएको छ ।

आजभन्दा २४ बर्ष अगाडी गैँडाकोट २ मा स्थापित बाल बिकासले कार्यक्रममा बोल्दै प्याब्सन नवलपुरका अध्यक्ष एवं विद्यालयका प्रधानाध्यापक दिपक रावतले विद्यालयले व्यवहारिक र सिपमुलक शिक्षालाई प्राथमिकता दिदैँ गैँडाकोटको शिक्षा विकासमा टेवा पु¥याउने उदेश्यले अगाडी बढेको बताउनुभयो । विद्यालयले अहिले निरन्तर विद्यार्थी मूल्याङ्कन बिधिलाई कक्षा ३ सम्म लागु गरेको छ । व्याहारिक जिवन उपयोगि सिप सँगै अगाडी बढेको विद्यालयमा अहिले करिब १ हजार विद्यार्थीले अध्ययन अध्यापन गर्दैगरेको विद्यालयका प्रधानाध्यापक रावतले बताउनुभयो ।

शिक्षा विकासका लागि यो विद्यालयले निति नियम अनुरुप आफुलाई अगाडी बढाई रहेको गैँडाकोट नगरपालिका शिक्षा शाखा प्रमुख डा. बालकृष्ण चापागाईँले कार्यक्रममा सम्बोधनका क्रममा बताउनुभयो । राम्रा र असल अभ्यास जसले गरेपनि सिक्न आवश्यक रहेको बताउँदै सिकाई नै महत्वपूर्ण हुने उहाँको तर्क थियो । शिक्षामा राम्रा र असल कार्य अभ्यास गर्न संस्थागत विद्यालय होस वा सामुदायिक विद्यालय सबैले सिको गर्नुपर्ने सुझाव दिनुभयो । बाल बिकासले विद्यालयमा गरेको असल अभ्यास, व्यवहारिक सिकाइ र सिप विकासलाई निरन्तरता दिदैँ अगाडी बढ्न र अझ आफुलाई अब्बल राखिराख्न समेत आग्रह गर्नु भयो ।

कार्यक्रममा सम्बोधनका क्रममा प्याब्सन केन्द्रिय उपाध्यक्ष गोपेन्द्र केशरी न्यौपानेले संस्थागत विद्यालयले शिक्षा विकासमा महत्त्वपूर्ण भूमिका निभाएको बताउनुभयो । उहाँले निति, नियम बनाउँदै गर्दा कतिपय अवस्थामा संस्थागत विद्यालयको हितको विषयमा कम मात्र चासो दिएको बताउँदै केही समय अघि गर्नुपरेको संघर्षलाई स्मरण गर्नुभएको थियो ।

कार्यक्रम विद्यालय व्यवस्थापन समितिका अध्यक्ष विश्वराज लम्सालको अध्यक्षतामा भएको थियो । उहाँले विद्यालयले शैक्षिक गुणस्तर बढाउँदै विभिन्न कार्यक्रममा जोड दिदैँ आएको बताउनुभयो । कार्यक्रमको सहजिकरण विद्यालयका लेखापाल गिरीराज लम्सालले गर्नुभएको थियो ।

कार्यक्रमको परिसरमा विद्यार्थीहरुले फुड स्टल राखी आफैले बनाएका परिकार अभिभावक, अतिथी र विद्यार्थीलाई बिक्रि गरेका थिए । यस्तै सांस्कृतिक प्रस्तुती राख्नुका साथै आफ्ना प्रतिभाहरु समेत प्रस्तुत गरेका थिए ।

Share:

तपाईको प्रतिक्रिया

सम्बन्धित समाचारहरू

किसानको समस्याको समाधानका लागि भन्दै नवलपुरका दुग्ध सहकारीको बिशेष भेला सम्पन्न

पञ्चशील महाबौद्ध गुम्बाको एक हप्ते कङ्ग्युर (त्रिपिटक) पाठ वाचन सम्पन्न

रत्न राज्य लक्ष्मी मा.वि. गैंडाकोट १० मा ब्यवहारिक अभ्यास ओजेटिको अन्तिम मुल्याङ्गकन सम्पन्न

विश्व कप खेल्ने खेलाडीको खोजी गर्न लिग क्रिकेट प्रतियोगिता : प्रमुख रेनु दाहाल  

पञ्चशील महाबौद्ध गुम्बा शरदपुरमा यहि फाल्गुन ५ शनिबारदेखि त्रिपिटक (कंग्युर) पाठ बाचन हुँदै

नेपाल मगर संघ, गैंडाकोटको आयोजनामा रक्तदान कार्यक्रम सम्पन्न, ३१ ज्नाले गरे रक्तदान